الشعر الحلمنتيشي
اسمع فهذا الشعر حلمنتيشي هو سكر والله سنترفيشي
فيه الهزار وفيه أيضا حكمة وأنا شاعر فحل وزيه مفيشي
أفكاره هي كالجواهر والنبي خذها بلا ثمن ولا بقشيشي
اضحك فان الضحك كالياميشي في طعمه والكحك والقراقيشي
اضحك صباحا أو مساء مغربا ليلا بلا بخل ولا تحويشي
اضحك لأصحاب لأهل اخوة اضحك لي ولو حتى متعرفنيشي
اضحك اذا كانت أمامك لحمة أو كنت متغدي بجبنه قريشي
واذا ضحكت أنا متسألنيشي عما يضحكني ولا تحوشنيشي
اضحك تجد دنياك بنتا حلوة وقفت بتضحك لك ولا بتمشيشي
اضحك أمام مراية ترى طلعة كالبدر أو أحلى بلا تهويشي
اضحك وكل مشا تحس كأنه جاتوهة والجيم بالتعطيشي
بوز وكل عسلا تحس بحنضل أو علقم في البق والنغاشيشي
بوز تجدها غولة بمخالب بالضرب تنزل فيك والتلطيشي
بوز أمام مراية ترى سحنة كالقرد والله ما تعجبنيشي
اني صديق الضحك أجرى خلفه وأبكي له لو فات ولا شافنيشي
ويزورني في بيتنا وأزوره في بيته لو غاب أو مايجيشي
اني عدو الحزن لو أنا شفته في سكة أجري ما يلحقنيشي
وأسك شباكي اذا ست بكت أو صوتت بزجاجه والشيشي
لاتزعلوا فالحزن ليل ضلمة والضحك بدر أحمر طرابيشي
والضاحكين عقولهم موزونة والزعلانون عقولهم مناويشي
ان الحياة حديقة بزهورها وطيورها ذات الغنا والريشي
هي جنة وبنات حور حولنا تبدي حلاوتها ولا تخبيشي
لو شمسها غابت ينور بدرها ونجومها فالنور ما بيطفيشي
========================
أولا لقصيدة أمل اللي ما تعرفنيشي
كلامك وتعليقك والله دخل نغاشيشي
صحيح يا ترضي كل الناس يا ما تسويشي
ازاي يكون الضحك قلة أدب والبسمة ماتجيشي
دا الدمع مهما كتر عمره ياأختي ما يرويشي
=======================
تلقى الولد على لمبة جاز ويجيب ممتاز
وغيره عنده سرير هزاز
والمخ ضلام
مصروفه راح في المضيعة
سينمات ولب
على بنت ناشفة مسلوعة
في أولى طب
دخل امتحانه بيبكي زي العيال
في اللجنة قاعد يبص يمين وشمال
عاوز يغش من أي حد وبأي حال
لكن مين يدله ع الصواب ياولاد الحلال.
تعليقات