عرض مرفوض

تحب تبقى سلطان زمانك
تحكم بلادك بسلاح من حديد !!
رئيس وعايش في برج عاجي
والدنيا جنبك في فراغ وبيد
لا تسمع صراخ ولا تشوف متاعب
نحجبها عنك , ونقول لك جديد
تقارير تجيلك الدنيا حلوة
والناس بتمدح , وعايشين عبيد
أنت منا القريب , وهم البعيد
عايش في غفلة , وهل من مزيد
وفجأة جالك عزرائيل ينادي

حكمك ده طول وما نتش فريد
***
وقالوا لي تعالى شاركنا في ملكه
وماله حلال لك , وقصره المشيد
كمان فيه جواري تغني وترقص
وتعيش فيه ليالي كأنك في عيد
ونصبح جنودك نضرب في حاسدك
ونسجن ونقتل اللي كارهك أكيد
ده ما فيش غيرك أنت دا أنت الفريد
وما فيش حد فيهم لينا مفيد
*****
قلت لهم محال
أحل محله ده في المنام
وشعبه بيعاني ولا يوم عاش سعيد
الجبن في طبعه , وماله حرام
قانونه الطواريء , وحكمه شديد
ودي تبقى عيشه . أنا مالي بقصره
وبيتي مليان سعادة بالولد والحفيد
أصلي لربي وادعوه بقلبي
يحمي بلادي , ويحفظ لي ولدي
ابني وأخوه وولده الحفيد
ويجيلنا حاكم من شعب بلدي
نختاره احنا مش مفروض علينا
بالسيف والحديد
لا يا مبارك , ما لكشي رصيد
حا أقولها بصوتي وابنك شهيد
عهد الوراثة مات من زمان
في بحري وقبلي وأقصى الصعيد
*****************



تعليقات

المشاركات الشائعة من هذه المدونة

الأوامر الإلهية في الآيات القرآنية

تصريف الأفعال في اللغة الفارسية

الكلام ، والقول والحديث ... ( فروق لغوية )