من أدب الصحافة ( راجل غلبان )
( منقول ) لصاحبه الأستاذ / عمر موسى من الإسكندرية
************************************************
راجل غلبانغلبان وماشي ف سكتي
والكُّل قارش ملحِتي
خايف عشان من خاف سِلِم
حافي وقالع جزمتي
عايش غريب وسط البلد
محروم من المال والولد
والصحة رايحه مكحكحه
والرزق ع الفرد الصمد
مقطوع ما حيلتُوش اللَّضا
وكُرُوش كتير ملظلظة
والبَخْت مَايِل بين إيديه
والناس لذيذه محظّظَه
ممنوع تِبُص لحظّهم
أو يوم تفكر زيهم
ممنوع تفكر يوم تكون
إنك تقرَّب مِنهم
لازم تكون زي البجم
ودماغك أنشف م العجم
وتعيش حمار بالبردعة
وطاطي راسك للخدم
انْسَ يَا عمّ إنك بشر
إعلان وفاتك اتنشر
واقرا الشهادة واتِّكِلْ
دا الحكم بالإعدام صدر
**************